Vətən Müharibəsinin bitməsindən indiyə qədər psixoloji dəstək tədbirləri çərçivəsində 2951 ailəyə səfər edilib.
Modern.az xəbər verir ki, bunu Sosial Xidmətlər Agentliyinin sədri Vüqar Behbudov postmüharibə dövründə şəhid ailələri və müharibə əlillərinin mənzil və avtomobillə, sosial xidmətlərlə təminatı işlərinə dair keçirdiyi mətbuat konfransında deyib.
O qeyd edib ki, 2455 şəhid hərbçinin ailəsinə psixoloji dəstək göstərilib: "Bundan əlavə 51 mülki şəhidin, 445 yaralı hərbçinin ailəsinə psixoloji yardımlar edilib".
