Թուրքիան և Ադրբեջանը վճռական են ընդլայնելու պաշտպանության և անվտանգության ոլորտում համագործակցությունը:
Modern.az-ը հայտնում է, որ այս մասին Թուրքիայի արտգործնախարար Հաքան Ֆիդանը հայտարարել է ադրբեանցի գործընկեր Ջեյհուն Բայրամովի հետ համատեղ մամուլի ասուլիսում:
Նախարարը նշել է, որ Շուշիի հռչակագրով հարաբերությունները դաշնակցային մակարդակի բարձրացնելը հզոր հիմք է ստեղծել պաշտպանության և անվտանգության ոլորտում համագործակցության համար:
«Մեր զինված ուժերի միջև անցկացվող համատեղ զորավարժությունները, կրթության և փորձի փոխանակումը, ինչպես նաև մեր պաշտպանական արդյունաբերության ձեռնարկությունների միջև աստիճանաբար խորացող համագործակցությունը այս գործընկերության կոնկրետ արդյունքներն են», - ընդգծել է Հաքան Ֆիդանը:
Նրա խոսքով, առաջիկա ժամանակահատվածում այս ոլորտում համագործակցությունը կշարունակվի կողմերի կարիքներին և հնարավորություններին համապատասխան:
