Նախիջևանի Ինքնավար Հանրապետության տարածքում սկսվել է մոտ 190 կիլոմետր երկարությամբ երկաթուղային գծի վերակառուցումը։
Modern.az-ը հայտնում է, որ այս մասին հայտարարել է Ադրբեջանի արտգործնախարար Ջեյհուն Բայրամովը թուրք գործընկեր Հաքան Ֆիդանի հետ համատեղ մամուլի ասուլիսի ժամանակ։
Նախարարի խոսքով՝ նշված երկաթուղին գործել է խորհրդային տարիներին, սակայն վերջին 30 տարուց ավելի չի օգտագործվել։
«Այդ իսկ պատճառով կարևոր է վերակառուցման աշխատանքներ իրականացնել այդ տարածքում։ Ներկայումս աշխատանքները սկսվել են նաև Նախիջևանի տարածքում»,- ասել է Ջեյհուն Բայրամովը։
Նախարարը նշել է, որ Ադրբեջանի, Հայաստանի, Նախիջևանի և Թուրքիայի տարածքներում տրանսպորտային գծերի ավարտից հետո կձևավորվի նոր տրանսպորտային ուղղություն, որը կձգվի Եվրոպայից Թուրքիայի և Ադրբեջանի վրայով դեպի Կենտրոնական Ասիա։
