Լեհաստանի բանակը երկրի ռազմական ավիացիան բերել է մարտական պատրաստության և ժամանակավորապես դադարեցրել Ժեշուվի օդանավակայանի գործունեությունը:
Modern.az-ը հայտնում է, որ Լեհաստանի բանակի Օպերատիվ հրամանատարության տվյալներով՝ օդանավակայանը փակվել է ռազմական ավիացիայի գործունեության ազատությունն ապահովելու նպատակով:
Դրա պատճառը եղել են երկրի օդային տարածքի խախտման հետ կապված կասկածները:
Սակայն հետագայում պարզվել է, որ տագնապի պատճառը թռչունների երամ է եղել։ Reuters-ը, հղում անելով Լեհաստանի Օպերատիվ հրամանատարությանը, հայտնում է, որ թռչունները որևէ սպառնալիք չեն ներկայացրել երկրի անվտանգությանը։
Այսպիսով, ռազմական ավիացիան գործի դրած միջադեպի պատճառը թռչունների երամն է եղել։
