Ռուսաստանը հույս ունի, որ մոտ ապագայում տեղի կունենա «3+3» տարածաշրջանային խորհրդակցական ձևաչափի հաջորդ հանդիպումը։
Modern.az-ը հայտնում է, որ այս մասին հայտարարել է ՌԴ արտգործնախարար Սերգեյ Լավրովը՝ Եվրասիական անվտանգության IV Մինսկի միջազգային համաժողովի բարձր մակարդակի լիագումար նիստում իր ելույթի ժամանակ։
«Այս հարթակի մասնակիցները պայմանավորվել են խթանել միավորող օրակարգը։ Հուսով ենք, որ մոտ ապագայում այս ձևաչափով հաջորդ հանդիպումը կկայանա»,- ասել է Լավրովը։
Հիշեցնենք, որ «3+3» ձևաչափը ներառում է Ռուսաստանը, Իրանը և Թուրքիան, ինչպես նաև Ադրբեջանը, Հայաստանը և Վրաստանը։
Նշենք, որ Սերգեյ Լավրովն ավելի վաղ հայտարարել էր, որ Ռուսաստանը ճիշտ է համարում «3+3» ձևաչափով արտգործնախարարների հաջորդ հանդիպումն անցկացնել Ադրբեջանում, իսկ հետո՝ Հայաստանում։
