Հայաստանի վարչապետ Նիկոլ Փաշինյանը հայտարարել է, որ Թուրքիայի նախագահ Ռեջեփ Թայիփ Էրդողանի հետ իր հանդիպումը կառուցողական է անցել, և երկու երկրների միջև դրական երկխոսությունը շարունակվում է։
Modern.az-ը հայտնում է, որ Փաշինյանն այս մասին ասել է՝ պատասխանելով թուրք լրագրողի հարցին։
«Մենք շատ կառուցողական հանդիպում ունեցանք նախագահ Էրդողանի հետ, և մեր միջև բավականին դրական երկխոսություն կա։ Մենք անհամբեր սպասում ենք մեր հարաբերությունների հետագա զարգացմանը», - ասել է Հայաստանի վարչապետը։
Պատասխանելով այն հարցին, թե արդյոք նա կարևորում է երկու երկրների միջև գործընկերությունը տարածաշրջանային փոխկապակցվածության համատեքստում, նա ընդգծել է երկաթուղային կապի վերականգնման կարևորությունը։
«Այժմ մենք պետք է վերանորոգենք և շահագործման հանձնենք երկաթուղին մեր երկրների միջև։ Մենք աշխատում ենք այս ուղղությամբ»։
