“Biz realist olmalıyıq. Əgər bəyan edirsənsə, manevr hüququnu itirirsən, biz siyasət və diplomatiyanı populizmdən və natiqlikdən ayırmağı bacarmalıyıq ki, bunu biz eləmirik və hər şeyi qarışdırırıq”.
Modern.az xəbər verir ki, bunu Ermənistan prezidenti Vaaqn Xaçaturyan İctimai Televiziyanın efirində müxalifətin Qarabağın heç vaxt Azərbaycanın tərkibində ola bilməyəcəyi tezisi ilə razı olub-olmadığı barədə suala cavab verərkən deyib.
“Ölkəmizə cavabdeh olan, danışıqlar prosesində iştirak edən insanları bu imkandan məhrum etməyə ehtiyac yoxdur. Baş nazir bunu açıq deməyə cəsarət edib, bəs bunun nəyi pisdir? Hər şey haqqında ictimaiyyətə danışmaq lazım deyil.
İndi şəxsi görüşlərdə bir şey dedim, bunu təsəvvür edə bilmirəm, çünki bu adamla anlaşmam yoxdur, ona görə də bu barədə danışmağa haqqım yoxdur. Sözümün əhəmiyyətini, onu yüksək səslə söyləməyin risklərini başa düşürəm. Fərq çox böyükdür. Bizim müxalifət də çox gözəl bilir, çünki müxalifətdə belə vəziyyətə düşənlər var və bu mənada onların davranışı məndə suallar yaradır. Əgər biz hamımız Qarabağ məsələsini ürəkdən qəbul ediriksə, bu narahatlıq hər birimizin öz yerimizdə etməli olduğumuz işi görməmizlə ifadə olunmalıdır”.
Prezident Ermənistanda istibdadın hökm sürməsi, siyasi məhbusların olması fikri ilə də razılaşmayıb.
“Mən “siyasi məhbus”un nə demək olduğunu yaxşı bilirəm, kimin siyasi məhbus olduğunu bilirəm. İndi bilmirəm söhbət kimdən gedir. Siyasi məhbus kimdir? Hansı zülmdən danışırıq? Zalımlıq şəraitində küçələrə çıxmaq olmur”, - Ermənistan prezidenti bildirib.
