Türkiyənin məşhur qəzetlərindən sayılan "Milliyyet"in baş redaktoru Fikrət Bila vəzifəsindən istefa verib.
Modern.az-ın Türkiyə KİV-nə istinadən verdiyi məlumata görə, baş redaktor istefası ilə bağlı qərarı öz həmkarlarına göndərdiyi məktub vasitəsilə açıqlayıb.
Fikrət Bilanın “Milliyyet”-in əməkdaşlarına göndərdiyi məktubu sizə təqdim edirik:
"Əziz həmkarlarım!
Üç ildir apardığım ümumi yayım rəhbəri vəzifəmdən bu gün istefa etmiş oluram.
Başda cənab Ərdoğan Demirörən olmaqla Demirörənin ailəsinə və hər zaman hər bir məsələdə dəstəyini gördüyüm siz dəyərli iş yoldaşlarıma təşəkkürlərimi bildirirəm”.
Xatırladaq ki, Fikrət Bila 3 il əvvəl "Milliyyet" qəzetinin baş redaktoru təyin olunmuşdu.
Onu bu vəzifəyə qəzetin sahibi olan Erdoğan Dəmirörən gətirmişdi.
Ağa AKİFOĞLU
