Bakıda metronun "Sahil" stansiyasının yaxınlığında, Üzeyir Hacıbəyli küçəsi, 24/27 ünvanındakı 5 mərtəbəli binada yanğın başlayıb.
Fövqəladə Hallar Nazirliyinin əməkdaşı Azər Sarıyevin Modern.az saytına verdiyi məlumata görə, hadisə yerinə nazirliyin canlı qüvvəsi cəlb olunub:
“Ərazidə tüstüləmə qeydə alınıb. Əməkdaşlarımız yanğın baş verməsinin qarşısını almağa çalışır”.
Nazirlik rəsmisi bildirib ki, hadisə zamanı insan tələfatı qeydə alınmayıb:
“Binanın az bir hissəsində bir neçə ailə yaşayır. Tüstüləmə olan hissədə isə yaşayış yoxdur. Yanğın nəzarətə alınıb”.
Gülşən RAUFQIZI
