Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi Ədliyyə Nazirliyi ilə birgə nəqliyyat vasitəsindən istifadə edilməsinə dair etibarnamələrin verilməsi xidməti elektronlaşdırıb və hazırda test mərhələsindədir.
Modern.az-ın məlumatına görə, bunu jurnalistlərə açıqlamasında Agentliyinin sədr müavini Ceyhun Salmanov deyib.
Onun sözlərinə görə, xidmətin yaxın günlər ərzində vətəndaşların istifadəsinə verilməsi təmin ediləcək: “Hazırda bu tipli bir sıra xidmətlərin elektronlaşdırılması ilə bağlı işlər aparılır”, - deyə C. Salmanov qeyd edib.
