Azərbaycan Milli Elmlər Akademiyasının (AMEA) sabiq prezidenti, fizika-riyaziyyat elmləri doktoru, professor, Əməkdar elm xadimi, akademik Eldar Salayevlə vida mərasimi keçirilib.
Modern.az xəbər verir ki, Təzə Pir məscidində keçirilən mərasimdə ailə üzvləri, yaxınları və ictimaiyyət nümayəndələri iştirak ediblər.
Daha sonra mərhumun cənazəsi II Fəxri xiyabana aparılaraq torpağa tapşırılıb.
Qeyd edək ki, E.Salayev ötən gün 88 yaşında dünyasını dəyişib.
