Ozarbayjonlik o'quvchilarimiz O'zbekiston haqida bilishlari kerak bo'lgan muhim jihatlardan biri shundaki, bizning san'atimiz va adabiyotimiz bir-biriga juda yaqin, hatto umumiy.
Bu haqda Modern.azga bergan intervyusida o'zbek jurnalisti, Global Jurnalistlar Kengashi a'zosi Hamza Jumayev aytib o'tdi.
"Menimcha, dunyoda adabiyoti va san'ati bir-biriga bu qadar yaqin bo'lgan xalqlar juda kam. Bizning to'ylarimizda ham “Mehribon oilaymiz” qo'shig'i yangraydi, “Qaynana” spektakli sahnalashtiriladi, “Arshin mal alan” filmi televideniyelarda katta qiziqish bilan tomosha qilinadi. Hatto musiqa asboblarimiz, sozlarimiz ham bir-biriga o'xshaydi. Madaniyatimizda juda katta yaqinlik bor. Bu birinchi jihatdir",-dedi u.
Jumayev o'zbek xalqi Ozarbayjon xalqiga har doim quchoq ochishga tayyor ekanligini bildirdi:
"Men Ozarbayjonlik hamkorlarimiz, birodarlarimiz O'zbekistonni faqat ommaviy axborot vositalarida ko'rsatilganidek yoki tarix kitoblarida taqdim etilganidek emas, balki kelib o'z ko'zlari bilan ko'rganlaridan so'ng tanishlarini va shundan so'ng O'zbekiston haqida fikr shakllantirishlarini istardim. Boshqa tomondan, Ozarbayjonlik o'quvchilarimiz bilsinlarki, O'zbekiston xalqi Ozarbayjonliklarga har doim quchog'ini ochishga, ularni mehmon qilishga tayyor va bundan juda katta xursandchilik his qiladi. Biz doimiy borish-kelishning, doimiy do'stlikning bo'lishini va birgalikda baxtli hayot kechirishni juda istaymiz".
