Ukraina hukumati komendantlik soati va fuqarolarning havo tahdidlari haqidagi tezkor ma'lumotlarga kirish bilan bog'liq yondashuvlarni qayta ko'rib chiqishni rejalashtirmoqda.
Modern.az xabar berishicha, bu haqda Ukraina Bosh vaziri Sergey Koretskiy “Telegram” kanalida ma'lum qilgan.
Bosh vazir qanday o'zgarishlar nazarda tutilganini aniq aytmagan. Uning so'zlariga ko'ra, davlat, poytaxt, iqtisodiyot va muhim infratuzilmani Rossiyaning yangi hujum taktikasiga moslashtirish zarur.
“Uzoq muddatli havo trevogalari nafaqat odamlarning xavfsizligiga, balki korxonalar faoliyatiga, logistika, transport, maktablar, bolalar bog'chalari va hayotning boshqa sohalariga ham ta'sir qiladi. Dushman poytaxtda va yirik shaharlarda iqtisodiy faollikni falaj qilishga urinmoqda. Shuning uchun bizning yondashuvlarimiz va reaksiyamiz algoritmlari o'zgarishi kerak”, – deya ta'kidlagan hukumat rahbari.
Koretskiyning so'zlariga ko'ra, hukumat turli xavf sharoitida korxona va tashkilotlarning faoliyati, logistika va transportni tashkil etish, metro va boshqa infratuzilma ob'ektlarining ishi bilan bog'liq yangi qarorlar ustida ishlamoqda.
“Komendantlik soati va fuqarolarning havo tahdidlari haqidagi tezkor ma'lumotlarga kirish bilan bog'liq yondashuvlarni ham alohida ko'rib chiqishni rejalashtirmoqdamiz. Bularning barchasi xavfsizlik uchun qo'shimcha xavf tug'dirmasdan amalga oshirilishi kerak”, – deya qayd etgan bosh vazir.
Uning bildirishicha, zarur takliflarni kelgusi hafta boshida tayyorlash, jamoatchilikka taqdim etish va ularni amalga oshirishni boshlash rejalashtirilmoqda.
