Hurmuz bo‘g‘ozida yana bir neft tankeri minaga tushdi.
Modern.az IRIBga tayanib xabar berishicha, Eron Islom inqilobi posbonlari korpusi (SEPAH) bu haqda bayonot bergan.
“Qoidalarni buzgan supertanker bugun kechqurun Hurmuz bo‘g‘ozining janubiy qismida dengiz minasiga urilib, dvigatel xonasida portlash va yong‘in sodir bo‘ldi”, - deyiladi xabarda.
Ma’lum qilinishicha, Hurmuz bo‘g‘ozidan chiqib ketmoqchi bo‘lgan xom neft yuklangan ushbu kema barcha navigatsiya tizimlarini o‘chirib qo‘ygan: “Kema Hurmuz bo‘g‘ozining qonunlarini (Eron e’lon qilgan qoidalar – tahr.) buzgan va ruxsat etilmagan marshrutdan o‘tgani sababli avariyaga uchragan.
Bu o‘tgan kundan buyon Hurmuz bo‘g‘ozining ruxsat etilmagan marshrutida dengiz minalariga urilib, yong‘inga uchragan, qoidalarni buzgan uchinchi neft tankeridir”.
SEPAH Harbiy-dengiz kuchlari Hurmuz bo‘g‘ozi hududida navigatsiya, tanib olish tizimlarini o‘chirib qo‘ygan barcha kemalar dushman sifatida tan olinishini va ularga qarshi qattiq choralar ko‘rilishini ma’lum qildi.
Eslatib o‘tamiz, Eron tomoni kecha ham yirik neft tankerining Hurmuz bo‘g‘ozida minaga tushganini e’lon qilgan edi. Buyuk Britaniyaning Dengiz savdo operatsiyalari boshqarmasi (UKMTO) esa kemalarning noma’lum snaryad bilan urilganini da’vo qilmoqda.
