Pokiston hukumati Afgʻoniston bilan chegaradosh Xayber-Paxtunxva viloyatida favqulodda holat va toʻgʻridan-toʻgʻri federal boshqaruv rejimini joriy etdi.
Modern.az xabar berishicha, “Dawn” gazetasining maʼlumotlariga koʻra, qaror prezident Osif Ali Zardoriy Vazirlar Mahkamasining tavsiyalarini tasdiqlaganidan soʻng qabul qilingan.
Bosh vazir Shahboz Sharif raisligida oʻtkazilgan favqulodda hukumat yigʻilishida viloyatdagi xavfsizlik holati muhokama qilindi.
Bosh vazir devonining bayonotida viloyat hukumatining terrorizmga qarshi kurashdan “qasddan chetda qolishi” masalasi koʻrib chiqilgani va prezidentga konstitutsiyaviy vakolatlaridan foydalanish tavsiya etilgani aytilgan.
Bundan tashqari, federal hukumat fuqarolik hokimiyat organlarini qoʻllab-quvvatlash maqsadida harbiy kuchlar va texnikani joylashtirishga ruxsat berdi. Viloyatning maʼmuriy markazi Peshovar atrofida konteynerlar oʻrnatildi, politsiya kuchlari kuchaytirildi.
