Qozogʻiston Prezidenti Qosim-Jomart Tokayev Rossiyaning Turkiy Davlatlar Tashkilotiga (TDT) kuzatuvchi maqomida qoʻshilishini taklif qildi.
Modern.az xabar berishicha, Tokayev bu taklif bilan Anqarada boʻlib oʻtgan Turkiy Davlatlar Tashkiloti sammitida chiqish qilgan.
Qozogʻiston rahbari tashkilot nufuzini oshirish maqsadida Rossiyaning niyatiga ijobiy yondashish va unga ushbu formatga qoʻshilishni yoki TDT faoliyatida kuzatuvchi sifatida ishtirok etishni taklif qilish toʻgʻri va adolatli qaror boʻlishini taʼkidladi.
Tokayev Rossiya buyuk davlat ekanligini va asrlar davomida Turk dunyosi bilan yaqin aloqalarni saqlab kelganini taʼkidladi.
“Bu mamlakat hududida tarixan koʻplab turkiy xalqlar vakillari yashagan. Hozirda Rossiya Qozogʻiston tomonidan ham qoʻllab-quvvatlanadigan “Oltoy – turk sivilizatsiyasining beshigi” loyihasini ilgari surmoqda. Rus tilida turkiy kelib chiqishga ega koʻplab soʻzlar mavjud. Umuman olganda, Rossiyaning turkiy davlatlar, yaʼni bizning tashkilotimizning bir qismiga aylanishi barcha davlatlarimizga foyda keltirardi”, – dedi Qozogʻiston Prezidenti.
Eslatib oʻtamiz, hozirda Turkiya, Ozarbayjon, Qozogʻiston, Qirgʻiziston va Oʻzbekiston Turkiy Davlatlar Tashkilotining toʻlaqonli aʼzolaridir.
