Fransiyada 17 va 24-oktabr kunlari boʻlib oʻtgan ommaviy norozilik namoyishlari natijasida kamida 2 488 ta tijorat obyekti zarar koʻrdi.
Modern.az "France Info" kanaliga tayanib xabar berishicha, bu haqda mamlakat Savdo-sanoat palatasi maʼlumot tarqatdi.
Qayd etilishicha, zarar koʻrgan obyektlarning 1 100 tasi jiddiy vayron boʻlgan, 650 ta doʻkon esa hali ham faoliyatini tiklay olmagan. Noroziliklar oʻtkazilgan kunlarda shahar markazlarida joylashgan doʻkonlarning savdo aylanmasi 80% ga kamaygan.
Savdo-sanoat palatasi prezidenti Alen Di Kresensio noroziliklar natijasida savdo sektoriga yetkazilgan umumiy zararni 1,5 milliard yevroga baholadi.
Fransiyaning mashhur "Carrefour" supermarketlar tarmogʻi 50 ga yaqin doʻkoni talon-taroj qilinganini maʼlum qildi. Kompaniya shu sababli yil yakunlari boʻyicha operatsion foydasi 80-200 million yevroga kamayishini prognoz qilmoqda.
Fransiyaning sobiq iqtisodiyot vaziri Tyerri Breton esa mamlakatga yetkazilgan umumiy zararni 2-3 milliard yevro miqdorida baholadi. Bu summaga jamoat binolarini tiklash xarajatlari bilan bir qatorda, siyosiy beqarorlik fonida davlat qarziga xizmat koʻrsatish xarajatlarining oshishi ham kiradi.
