Ozarbayjon Tashqi ishlar vazirligi (TIV) o‘nlab insonlarning hayotiga zomin bo‘lgan fojiali temir yo‘l halokati munosabati bilan Ispaniyaga hamdardlik bildirdi.
Modern.az xabar berishicha, bu haqda TIVning “X” ijtimoiy tarmog‘idagi sahifasida ma’lum qilingan.
“Ispaniyada yuz bergan fojiali temir yo‘l halokati bizni chuqur qayg‘uga soldi. Halok bo‘lganlarning oilalari va yaqinlariga, shuningdek, Ispaniya hukumati va xalqiga chuqur hamdardlik bildiramiz. Ushbu fojiadan jabr ko‘rgan barchaga ma’naviy yordamimizni ifoda etamiz. Jabrlanganlarning tezroq va to‘liq sog‘ayib ketishini tilaymiz”, - deyiladi xabarda.
Eslatib o‘tamiz, Ispaniyaning Toledo viloyatidagi Urda stansiyasi yaqinida “Renfe” va “Iryo” poyezdlarining to‘qnashuvi natijasida temir yo‘l halokati yuz bergan. So‘nggi ma’lumotlarga ko‘ra, kamida 64 kishi halok bo‘lgan.
