AQSh Kongressida oraliq saylovlardan so'ng Pentagon rahbari Pit Hegsetning impichmenti bilan bog'liq yangi urinish tayyorlanmoqda.
Modern.az xabar berishicha, bu haqda "Bloomberg" ma'lumot tarqatgan.
Demokrat va Respublikachilar partiyalari vakillari 3-noyabr kuni bo'lib o'tadigan Kongress saylovlaridan so'ng urush vaziri Pit Hegsetga qarshi bosimlarni kuchaytirish niyatidalar.
Qayd etilishicha, Pentagon rahbari Eron bilan urush olib borish, harbiy xarajatlar va kadrlar qarorlari uchun javobgarlikka tortilishi mumkin.
Impichment tashabbusining asosiy tarafdorlaridan biri respublikachi Tomas Massi hisoblanadi. U Hegsetni Kongress ruxsatisiz Eronga qarshi urush olib borishda ayblaydi va saylovlardan so'ng bu boradagi rezolyutsiyani qayta taqdim etishni rejalashtirmoqda.
"Bloomberg" 16-oktabr holatiga ko'ra, AQShning Eronga qarshi harbiy operatsiyasi Amerika soliq to'lovchilariga 47,1 milliard dollarga tushgan. Bu summaga AQShning Yaqin Sharqdagi harbiy bazalariga yetkazilgan zarar kirmaydi.
Demokrat senator Jek Ridning ta'kidlashicha, urush paytida 21 amerikalik harbiylar halok bo'lgan, 850 dan ortig'i esa yaralangan.
Hegsetning faoliyatidan ba'zi respublikachilar ham norozi. Ular Pentagon rahbariyatini harbiy xarajatlar bo'yicha yetarlicha shaffof bo'lmaganlikda va yuqori martabali generallarni asosli tushuntirishlarsiz lavozimidan chetlatishda ayblamoqdalar.
