AQSh xavfsizlik tahdidlari tufayli Saudiya Arabistonidagi muhim bo'lmagan diplomatik xodimlarini va ularning oila a'zolarini mamlakatdan olib chiqishni boshladi.
Modern.az xabar berishicha, bu haqda AQSh Davlat departamentining rasmiy saytida ma'lum qilingan.
Ma'lum qilinishicha, Yamanda faoliyat yurituvchi va Eron tomonidan qo'llab-quvvatlanadigan husiylar Saudiya Arabistoniga, jumladan, fuqarolik aeroportlari va muhim infratuzilmaga hujumlar uyushtirmoqda.
Davlat departamenti AQSh fuqarolarini mumkin bo'lgan raketa va dron hujumlari, havo hududining yopilishi, parvozlarning bekor qilinishi va transportdagi uzilishlar haqida ogohlantirdi. Fuqarolarga qirollikdagi aeroportlardan foydalanishda o'ta ehtiyot bo'lish tavsiya etildi.
Shuningdek, amerikaliklarga raketa va dron hujumlarining, shuningdek, ularning tushgan hududlarning foto va videolarini olish va tarqatish taqiqlangani eslatildi.
