19 yanvar 2019, Şənbə
Ana Səhifə - ƏDƏBİYYAT - Universiteti həyatı qədər sevən insan
Universiteti həyatı qədər sevən insan
28.09.2017, 09:45

Cahangir MƏMMƏDLİ

Mən universitetlə bağlı bütün yazılarımda bu məkanın müqəddəsliyini, Vətən, millət, xalq yolunda tarixi və müasir xidmətlərinə görə məbəd kimi qəbul etdiyimizi həmişə dilə gətirmişəm. 


Universitet və konkret olaraq, bizim Bakı Dövlət Universitetimizin min bir tellərlə xalqa bağlılığı onu müqəddəs tutmağımızı şərtləndirən ən vacib faktordur. Azərbaycanın ən müqtədir adamlarının haçansa bu universitetdə təhsil alması, məzun olduqdan sonra universitet adı ilə fəxr edib də milli mədəniyyətimizi inkişaf etdirən, elmi potensialımızı gerçəkləşdirən, Azərbaycanımızın dünya arenasına çıxmasına dəstək verən və nəhayət, ləyaqətli vətəndaş adını daşıyan yüzlərlə məzunumuz var. Və bu universitetin sabah belə şəxsiyyətlərə çevriləcək iyirmi minlik tələbə ordusu var. Bu iyirmi minlik tələbə ordusu hər dörd ildən bir bu müqəddəs təhsil ocağını bitirib də elmimizin, mədəniyyətimizin, təhsilimizin keşiyində durur. Belə bir müqəddəs elm, təhsil məbədində çalışan hər kəs - rəhbərlikdən tutmuş adi əməkdaşadək hər kəs bu mikrovətən məkanında özünün bacarığını -  Vətənə, millətə, təhsilə, elmə sevgisini öz işi ilə nümayiş etdirməlidir. Bu gün Bakı Dövlət Universitetinin, istisnasız olaraq, bütün kollektivi içində, qəlbində bu sevgini yaşatmaqda, həyati faktlarla sübut etməkdədir. İçində universitet sevgisi yaşadan əməkdaşlardan biri də bu böyük kollektivin yaxından tanıdığı, insanlığına, ləyaqətinə, vətəndaşlığına hörmətlə yanaşdığı Fikrət Şiriyevdir. 



Fikrət müəllim uzun müddətdir ki, həm bitirdiyi filologiya fakültəsində dərs deyir, həm rektorumuzun köməkçisi vəzifəsini, həm də Universitet Həmkarlar Komitəsinin sədri kimi iki mühüm görəvi yerinə yetirir. Qəribədir, bir çox digər vəzifələrdən fərqli olaraq, rektorun köməkçisi və Həmkarlar Komitəsinin sədri kimi vəzifənin hər ikisi adamdan çox böyük insanlıq, əməkdaşlara hörmət və məhəbbət, diqqətcillik və qayğı tələb edir. Bunlar, əlbəttə, bütövlükdə hər bir məmur üçün, insanlarla ünsiyyətdə olan hər kəs üçün mütləq bir keyfiyyət faktı olmalıdır. Amma bir iş də var: Fikrət müəllimin hər iki vəzifəsi birbaşa universitet əməkdaşları ilə intensiv münasibətdən keçir. Təkcə Bakı Dövlət Universitetinin çoxminli kollektivi deyil, məncə, bütün Azərbaycan cəmiyyəti bu universitetin rektoru - Azərbaycan Milli Elmlər Akademiyasının və Rusiya Elmlər Akademiyasının həqiqi üzvü, akademik Abel Məhərrəmovun idarəçilik metoduna, onun bu kollektivdə çalışan ən yüksək vəzifəli rəhbər işçisindən tutmuş adi əməkdaşa, universitet mühitində biliyi və bacarığı ilə seçilən tələbədən tutmuş cığal tələbəyə qədər hər kəsə böyük hörmətinə, xüsusi yanaşma tərzinə, qayğılı münasibətinə yaxşı bələddir. Bəlkə belə bir rəhbər adamın yanında illərlə çalışmaq bu məktəbin bütün gedişlərinə yiyələnməyə bəs edir. Və Fikrət müəllimi tanıyanlar onun hər kəsə - rektora müraciət edəcək hər kəsə necə hörmətlə yanaşmasının şahididir. Bu mənada Fikrət Şiriyev universitet rəhbərliyinə yaraşan bir əməkdaşdır. Mən şəxsən rektorumuzun hər həftə baş tutan qəbul saatlarında Fikrət müəllimin bir yerdə oturduğunu görməmişəm. Belə vaxtların bütün anlarında Fikrət Şiriyev ayaq üstdədir; valideyn qarşılayır, rektora təqdim edir, yaranmış problemin mahiyyətini açır və onun hüquqi həllinə yardımçı olur. 



Fikrət Şiriyev müsahibələrinin birində heç vaxt dilə gətirmədiyi bir sirri açır: "...Mən həyatım boyu gördüyüm işləri qabartmamışam. Sadəcə, çalışmışam, insanların işinə yarayım. Məsələn, universitetdə demək olar ki, heç kəs bilmir ki, məzun gününün ssenarisini də mən yazıram, rejissorluğunu da özüm edirəm, yaxud mart soyqırımı, Xocalı soyqırımı, 20 Yanvar faciəsi və eləcə də digər hadisələrlə əlaqədar universitetdə keçirilən tədbirləri mən hazırlayıram. Ən kiçik işlərdən, deyək ki, BDU-nun telefon kitabçasının sıfır vəziyyətindən hazırlanmasından, BDU ilə əlaqədar çəkilən filmlərin (məs.,"Dünya şöhrətli məzun" filminin ssenari müəllifiyəm), yaxud yeni tədris korpusunun arxasındakı parkın salınmasına qədər, nə eləmişəmsə, çalışmışam, heç kəs bilməsin. Yeri gəlmişkən, həmin parkın yerində stadiondan tennis kortuna kimi neçə-neçə layihə hazırlanmışdı, mən böyük zəka sahibi olan Abel müəllimi əmin edə bildim ki, parkı çatdırarıq və bu, daha praqmatik variant olar. 20 günün ərzində layihə də hazırlandı, 2000 nəfər əməkdaşımız iməciliyə çıxdı və çoxunun yaxşı xatırladığı zibilliyin yerində gözəl bir park salındı..."


Şəxsən mən də çox tədbirin şahidiyəm ki, Fikrət müəllim o tədbirlərin universitetə layiq şəkildə keçirilməsinə həmişə xüsusi diqqət yetirib. 


Xeyli vaxt bundan əvvəl Universitetimizin əməkdaşları - Pərvanə İbrahimova, Kəramət Böyükçöl və Anzulə Əmirova Fikrət Şiriyevdən bir müsahibə alıblar. Əvvəlcə qeyd edim ki, adlarını çəkdiyim əməkdaşların hər biri ustad qələmləri olan jurnalistlərdir və müsahibi necə dindirməyi çox yaxşı bacarırlar. Həmin müsahibənin preambulasında Fikrət müəllimi üç sözlə ifadə edirlər: xeyirxah, enerjili və qədirbilən. Tam doğru qeyd edirlər ki, "bütün universitet onu belə tanıyır, elə bu cür də sevir. Bəzilərinin zənnincə o, jurnalistlərdən yaxşı jurnalist, bəzilərinə görə yaxşı şair, dilçi - alimdir. Ən əsası isə odur ki, Fikrət müəllim gözəl insandır. Hamının dərdinə şərik olan, halına yanan bir insan". Mən beş il bundan əvvəlin müsahibəsindən bu sitatı ona görə bu yerə köçürtdüm ki,  o sətirlərin altından bu günün özündə mən də qürurla imza qoyardım. Çünki Fikrət müəllimi Allah deyilən kimi yaradıb və o, heç bir situasiyada dəyişəcək adam deyil. Onun haçansa sevib-seçdiyi həyat yoldaşına həsr etdiyi bir şeirdə sevgisinin də dəyişməz olduğunu poetik şəkildə ifadə edir:

 

Çox şey dəyişəcək, həyatda çox şey,
Çox şey qiymət tapıb-itirəcəkdir.
Vədəli-vədəsiz əsən küləklər
Ömrümüzə nələr gətirəcəkdir -
Sənə olan sevgim dəyişməyəcək!
...Çəmənlər rəngini, güllər ətrini,
Çaylar məcrasını dəyişəcəkdir
Sənə olan sevgim dəyişməyəcək!..

 

Fikrət müəllim bu dəyişməz sevgi ilə ləyaqətli bir Azərbaycan ailəsi böyütdü: adına layiq, ünvanına layiq, universitet adresinə layiq bir ailə!


Fikrət Şiriyevin universitetdə ikinci vəzifəsi - Universitet Həmkarlar Komitəsinin sədri görəvi də ondan xüsusi diqqət, qayğı və həssaslıq tələb edir. Onun oturduğu həmkarlar kabinetinə hər gün neçə-neçə universitet əməkdaşı müraciət edir: müxtəlif sanatoriyalara istirahət və müalicə üçün yollayışlar, əmək haqqının bəzi problemləri, yubileyi keçiriləcək əməkdaşlara rəhbərliyin təbrik və mükafatlarını diqqətdə saxlamaq və s. önəmli məsələlər. Bu anlarda Fikrət müəllimin ona müraciət edən hər kəsə yaxın bir dost, qardaş münasibəti hamını heyran qoyur. Ümumiyyətlə, həyatının bütün məqamlarında xarizmatik bir insan kimi tanıdığımız Fikrət Şiriyev Həmkarlar Komitəsindəki işində də bu keyfiyyəti axıradək qoruyub saxlamaqdadır. 


Fikrət müəllim Masallıda - rayon yerində doğulub. Amma lap kiçik yaşlarından atasının işi ilə bağlı olaraq ailə Bakıya - bu böyük şəhərə köçüb. Etiraf edək ki, böyük şəhərlərlə kiçik kəndlər arasında ciddi fərqlər olur: şəhərlər insanları xeyli dərəcədə bir-birinə ögeyləşdirir, etinasızlaşdırır...



Amma Fikrət müəllim belə olmadı. O, bütün xarakteri ilə ətrafına, insanlara bağlı adamdır və bu bağlılıqda səmimi bir sevgi, səmimi bir dostluq telləri var. Fikrət müəllim işinin ən qızğın vaxtında da rast gəldiyi adamın qarşısında mütləq ayaq saxlayır və onun şad anına, probleminə şərik olur.


Fikrət Şiriyev həm də tələbələrinin çox sevdiyi bir müəllimdir. Filologiya fakültəsini bitirib və uzun illərdir ki, elə bu fakültədə dərs də deyir. Tələbələrinin ona sevgisinin əsas səbəbi onun müəllimlik səmimiyyətidir. Universitet əməkdaşlarına səmimi münasibəti tələbə auditoriyasında bir az da güclənir. Uzaqdan gələn, rayon mühitindən gələn tələbələrin yataqxana problemindən tutmuş, rektorun göstərişi ilə imkansızların universitet yeməkxanasında yeməklə təmin olunmasına qədər hər yerdə onlara sahib çıxır.


Fikrət müəllimə tələbə sevgisinin bir ucu da onun öz ixtisasını - filologiyanı ustadcasına bilməsidir. Bu işdə ona ustadlıq etmiş orta məktəb və universitet müəllimlərini dərin minnətdarlıqla xatırlayır və bütün həyatını müəllimlərinə borclu olduğunu fəxrlə, qürurla dilə gətirir. O, rektor Abel müəllimi də müəllimlər müəllimi kimi qiymətləndirir, ondan çox şey öyrəndiyini qürurla söyləyir. Fikrət müəllimin bu barədə öz sözləridir: "Rektor Abel Məhərrəmovun fərqli cəhətləri olduqca çoxdur... Əsas xüsusiyyətləri haqda danışsaq, deyərdim ki, o, çox sədaqətli adamdır. Təkcə dostlarına, qohumlarına, Vətəninə yox, həm də elmə, təhsilə, universitetə fanatikcəsinə bağlı adamdır. Universitetin ən ağır illərində bir çoxları kimi o da qazanc dalınca xarici ölkələrə gedə bilərdi, mən yaxşı bilirəm, gözəl şansları var idi, bir çox haqsızlıqlarla qarşılaşırdı, ancaq universiteti heç nəyə dəyişmədi, mübarizədən çəkinmədi, sona qədər çalışdı. Bu gün bütün etimadları doğruldaraq hamının sevimli rektoru ola bilib. Təkrar edirəm, elmə, təhsilə, universitetə sədaqət Abel müəllimin əsas xüsusiyyətlərindən biridir və bu gün həmin cəhət xalqın xeyrinə işləyir".


Fikrət müəllim filologiyada ona dərs demiş müəllimlərdən danışarkən Universitetdə oxuduğu müddətdə Bəxtiyar Vahabzadə, Ağamusa Axundov, Tofiq Hacıyev, Xalid Əlimirzəyev. Fərhad Zeynalov, Əlövsət Abdullayev kimi alimlərə borclu olduğunu deyir.


Fikrət Şiriyevin universitetdə hər kəsi yaxından tanıdığını qeyd etdim, özünün dediyi sözlərdir: "Cəsarətlə deyərdim ki, universitet mənim ailəmdir, həyatımdır, vətənimdir. Burada mən üç min nəfərdən çox əməkdaşın, demək olar ki, hamısını adbaad tanıyıram, əksəriyyətinin soyadı, təvəllüd tarixi, xarakteri ilə yaxından tanışam. Bu, doğmalığın göstəricisidir". 


İxtisasca filoloq Fikrət müəllim yuxarıda da dediyim kimi, çox səviyyəli, modern şeirlər müəllifidir. Başqa cür ola da bilməzdi, çünki bu insanın xarakterini məhz poetik düşüncələri tamamlayır. 


Universitetdə hər kəsi sevgi ilə, dost münasibəti ilə qarşılayan və universitetin də çox sevdiyi Fikrət müəllimin 60 yaşı tamam olur. Dostumuzu, qardaşımızı, qayğıkeş Fikrət Şiriyevi bu müdrik çağında təbrik etməkdən qürur duyuram. Sevgilərlə dolu həyatını bundan sonra da uzun akkordlarla davam etdirsin!

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku
Ramiz Əskər
01.10.2017, 01:01

Hər kəsi o qədər dərin sevgi ilə qarşılayır ki, heyrət edirsən!

Şərh yaz

Bu kateqoriyadan olan xəbərlər
SON XƏBƏR
Şahmat üzrə Azərbaycan çempionatının III turu yekunlaşdı
19.01.2019, 01:01

Şahmat üzrə Azərbaycan çempionatının III turu yekunlaşdı

Ukrayna əhalisinin sayı  208,8 min nəfər azalıb
19.01.2019, 00:47

Ukrayna əhalisinin sayı  208,8 min nəfər azalıb

Avtoqəzada yaralanan sürücü xəstəxanada öldü
19.01.2019, 00:27

Avtoqəzada yaralanan sürücü xəstəxanada öldü

Meksikada 6 bal gücündə zəlzələ
19.01.2019, 00:16

Meksikada 6 bal gücündə zəlzələ

Trampla Kim Çen İn fevralda yenidən görüşəcək
18.01.2019, 23:59

Trampla Kim Çen İn fevralda yenidən görüşəcək

Əllə oynayan futbolçulara yeni cəza
18.01.2019, 23:42

Əllə oynayan futbolçulara yeni cəza

Azərbaycan nefti bir qədər də ucuzlaşdı
18.01.2019, 23:31

Azərbaycan nefti bir qədər də ucuzlaşdı

Terrorçuluğa qarşı əməliyyatda 43 nəfər yaxalandı   
18.01.2019, 23:07

Terrorçuluğa qarşı əməliyyatda 43 nəfər yaxalandı  

Qəzzada qarşıdurma: 30 yaralı
18.01.2019, 22:47

Qəzzada qarşıdurma: 30 yaralı

Bakıda itkin düşən uşaq tapıldı
18.01.2019, 22:30

Bakıda itkin düşən uşaq tapıldı

“Qalatasaray” heyətinə yeni futbolçu qatdı
18.01.2019, 22:16

“Qalatasaray” heyətinə yeni futbolçu qatdı

Fransada aksiyaların yeni mərhələsi başlayır
18.01.2019, 21:59

Fransada aksiyaların yeni mərhələsi başlayır

Azərbaycanın axtarışa verdiyi şəxs Rusiyada tutuldu
18.01.2019, 21:44

Azərbaycanın axtarışa verdiyi şəxs Rusiyada tutuldu

Yaponiyada güclü zəlzələ
18.01.2019, 21:24

Yaponiyada güclü zəlzələ

“Oksigen” klinikasında yanğın
18.01.2019, 21:10

“Oksigen” klinikasında yanğın

Müdafiə nazirləri Brüsselə toplanır
18.01.2019, 20:56

Müdafiə nazirləri Brüsselə toplanır

Məhkumlardan 96 mobil telefon götürülüb
18.01.2019, 20:43

Məhkumlardan 96 mobil telefon götürülüb

“Gördün... Elmira Qafarova kişi qızıdır”
18.01.2019, 20:42

“Gördün... Elmira Qafarova kişi qızıdır”

Neftçalada üç uşaq anası itkin düşdü - FOTO
18.01.2019, 20:32

Neftçalada üç uşaq anası itkin düşdü - FOTO

ABŞ-ın bombaladığı şəhərdə 20 nəfər öldü
18.01.2019, 20:27

ABŞ-ın bombaladığı şəhərdə 20 nəfər öldü

Qeydə alınan prezidentliyə namizədlərin sayı 10-a çatdı
18.01.2019, 20:18

Qeydə alınan prezidentliyə namizədlərin sayı 10-a çatdı

Xəstəxanada girov saxlanılan qadın azad edildi
18.01.2019, 20:02

Xəstəxanada girov saxlanılan qadın azad edildi

Əhali bir ildə ərzaq, içki və siqaretə 18,6 milyard manat xərcləyib
18.01.2019, 20:00

Əhali bir ildə ərzaq, içki və siqaretə 18,6 milyard manat xərcləyib

DİQQƏT! Bu yol nişanlarında dəyişiklik edilir
18.01.2019, 19:46

DİQQƏT! Bu yol nişanlarında dəyişiklik edilir

Robert Koçaryanın həbs müddəti uzadıldı
18.01.2019, 19:34

Robert Koçaryanın həbs müddəti uzadıldı

Rəsmi Bakıdan Rusiyaya ETİRAZ: Azərbaycanla ultimativ tərzdə danışmaq qəbuledilməzdir
18.01.2019, 19:25

Rəsmi Bakıdan Rusiyaya ETİRAZ: Azərbaycanla ultimativ tərzdə danışmaq qəbuledilməzdir

Diasporla İş üzrə Dövlət Komitəsində 20 Yanvar qurbanları anılıb
18.01.2019, 19:14

Diasporla İş üzrə Dövlət Komitəsində 20 Yanvar qurbanları anılıb

Sınaq imtahanlarına qeydiyyat sabah başa çatır
18.01.2019, 19:08

Sınaq imtahanlarına qeydiyyat sabah başa çatır

Zimbabvenin Prezidenti Azərbaycana işgüzar səfərə gəlib
18.01.2019, 18:55

Zimbabvenin Prezidenti Azərbaycana işgüzar səfərə gəlib

Bu nazirliyin qurumlarından 3-ü birləşdirilir - SİYAHI
18.01.2019, 18:48

Bu nazirliyin qurumlarından 3-ü birləşdirilir - SİYAHI

Çaylarda suyun səviyyəsi artıb
18.01.2019, 18:36

Çaylarda suyun səviyyəsi artıb

Bu nazirliyin tərkibindəki qurum ləğv edildi
18.01.2019, 18:28

Bu nazirliyin tərkibindəki qurum ləğv edildi

ÜST: Gürcüstanda “donuz qripi” adlı virus yoxdur
18.01.2019, 18:19

ÜST: Gürcüstanda “donuz qripi” adlı virus yoxdur

Sərnişini xilas etmək üçün əlverişsiz havada uçuş həyata keçirildi
18.01.2019, 18:11

Sərnişini xilas etmək üçün əlverişsiz havada uçuş həyata keçirildi

İstirahət günlərinin hava proqnozu açıqlandı
18.01.2019, 17:58

İstirahət günlərinin hava proqnozu açıqlandı

Tatlı və Düz Qışlaqda növbəti hesabat yığıncağı keçirildi
18.01.2019, 17:44

Tatlı və Düz Qışlaqda növbəti hesabat yığıncağı keçirildi

20 Yanvar şəhidlərinin müstəqillik arzuları bu gün çin olub
18.01.2019, 17:41

20 Yanvar şəhidlərinin müstəqillik arzuları bu gün çin olub

Mehriban Əliyeva fəxri medalla təltif edildi
18.01.2019, 17:38

Mehriban Əliyeva fəxri medalla təltif edildi

Nazir 2018-ci ilin hesabatını verdi - Pensiyalardan DANIŞDI
18.01.2019, 17:21

Nazir 2018-ci ilin hesabatını verdi - Pensiyalardan DANIŞDI

Sabiq birinci katib vəfat edib   
18.01.2019, 17:14

Sabiq birinci katib vəfat edib  

Manatın üçgünlük MƏZƏNNƏSİ
18.01.2019, 17:12

Manatın üçgünlük MƏZƏNNƏSİ

“... musiqi ilə həyat maraqlıdır” - ABŞ-da təhsil alan azərbaycanlı musiqiçi ilə MÜSAHİBƏ
18.01.2019, 17:08

“... musiqi ilə həyat maraqlıdır” - ABŞ-da təhsil alan azərbaycanlı musiqiçi ilə MÜSAHİBƏ

Deputat həkimlərdən ƏDV tutulmasının əleyhinə çıxdı   
18.01.2019, 16:59

Deputat həkimlərdən ƏDV tutulmasının əleyhinə çıxdı  

Metropoliten gücləndirilmiş iş rejiminə keçir
18.01.2019, 16:54

Metropoliten gücləndirilmiş iş rejiminə keçir

Azercell NNTV xidmətini təqdim edir
18.01.2019, 16:46

Azercell NNTV xidmətini təqdim edir

Səhiyyə komitəsi parlamentin iclaslarına hansı sənədlərlə gedir?
18.01.2019, 16:42

Səhiyyə komitəsi parlamentin iclaslarına hansı sənədlərlə gedir?

Rövşən Rzayev İmişlidə vətəndaşları qəbul etdi
18.01.2019, 16:26

Rövşən Rzayev İmişlidə vətəndaşları qəbul etdi

“İnsanlar növbə gözləyə-gözləyə həyatlarını itirirlər”
18.01.2019, 16:24

“İnsanlar növbə gözləyə-gözləyə həyatlarını itirirlər”

Məlahət İbrahimqızı stomatoloqlara etiraz etdi: “Parlamentdə dinləmə keçirilsin”
18.01.2019, 16:22

Məlahət İbrahimqızı stomatoloqlara etiraz etdi: “Parlamentdə dinləmə keçirilsin”

Qarabağın Azərbaycanlı İcması erməni seperataçılarına cavab verdi
18.01.2019, 16:22

Qarabağın Azərbaycanlı İcması erməni seperataçılarına cavab verdi

ARXİV