Avtomobili içkili vəziyyətdə idarə edərkən yaxalanan İsveçin gimnaziya işləri üzrə naziri Aida Xadzilaliç postundan istefa verdiyini elan edib.
Modern.az xarici mediaya istinadən xəbər verir ki, nazir avqustun 11-də gündüz saatlarında iki bokal ağ, bir bokal qırmızı şərab içəndən sonra sükan arxasında oturub.
Naziri Kopenhagendən Malmöyə gedərkən polis nəzarətçiləri tərəfindən saxlanılıb. Müayinə zamanı onun orqanizmində 0,2 promil alkoqol olduğu aşkarlanıb.
Bu gün mətbuat konfransı təşkil edən nazir postundan istefaya getdiyini açıqlayıb.
Modern.az
