“10 ilə yaxındır ki, Azərbaycanda Rəqabət Məcəlləsi qəbul edilmir. Mən iqtisadiyyat nazirinin müavini Sevinc xanımdan da bunu soruşdum. Amma hökumət bu məsələdə hələ də addım atmır”.
Modern.az-ın xəbərinə görə, bunu deputat Vahid Əhmədov 2017-ci il dövlət büdcə layihəsinin müzakirəsi zamanı deyib.
O bildirib ki, Rəqabət Məcəlləsini hökumət tezliklə hazırlayıb Milli Məclisə təqdim etməlidir: “Cənab prezident özü də çıxışlarında söyləyir ki, Azərbaycanda monopoliya, inhisarçılıq var. Hesab edirəm ki, hökumət tezliklə Rəqabət Məcəlləsini hazırlayıb bizə göndərməlidir.
2017-ci ilin çox çətin olacağını nəzərə alaraq bu məcəllənin tezliklə qəbul edilməsi ölkədə azad iqtisadi rəqabət mühitinin yaradılmasına şərait yaradacaq”.
Ağa AKİFOĞLU
