“Problemli kreditlər məsələsi artıq təhlükəli həddi keçib”.
Modern.az-ın məlumatına görə, bunu Milli Məclisin bu gün keçirilən iclasında çıxış edən deputat Əli Məsimli deyib.
O bildirib ki, artıq problemli kreditlərin həddi 2 milyard manatı keçib:
“Bu da ümumi portfelin 15 faizidir. Bu artıq təhlükəli həddi keçmədir. Ona görə də parlament olaraq bu məsələyə ciddi yanaşmalı və problemli kreditlərin restrukturizasiyası ilə bağlı qanun qəbul olunmalıdır”.
