Rusiyada keçirilən dünya çempionunda daha bir şok yaşandı. Modern.az xəbər verir ki, son dünya çempionu olan Almaniyanın qrup mərhələsini keçə bilməməsi çoxları üçün gözlənilməz olub. Almaniya bu nəticəni bir dəfə də 80 il öncə 1938-ci il mundialında təkrarlayıb.
Amma Almaniya ilə eyni aqibəti yaşayan dünya çempionları da olub.
Belə ki, Fransa, İtaliya və İspaniya da çempion olduqdan sonrakı mundialda qrup mərhələsində qalmışdı.
Fransa milli komandası 1998-ci ildə dünya çempion olsa da, 2002-ci ildə qrupdan çıxa bilməyib.
2006-cı ildə dünya çempionu olan İtaliya 2010-cu il mundialını qrup mərhələsində dayandırmalı olub.
2010-cu ildə dünya birincisi olan İspaniya da 4 il sonra qrupdan çıxa bilməyib.
