Rusiyada keçirilən futbol üzrə dünya çempionatında III turun növbəti oyunları keçirilib. Modern.az xəbər verir ki, “E” qrupunda Serbiya-Braziliya və İsveçrə–Kosta-Rika oyunları baş tutub.
Daha böyük maraq kəsb edən Serbiya - Braziliya matçında hesab 36-cı dəqiqədə açılıb. Paulinyo vurduğu gözəl qolla Braziliyanı hesabda önə çıxarıb. Oyunun 68-ci dəqidəsində idə Tyaqo Silva Braziliyanın ikinci qolunu vurub.
İsveçrə–Kosta-Rika oyununda isə hesab 31-ci dəqiqədə açılıb. İsveçrənin oyunçusu Cemaili fərqlənib. 56-cı dəqiqədə isə Uaston Kosta-Rikanın bərabərlik qolunu vurub. 88-ci dəqiqədə Drmiç İsveçrənin 2-ci qolunu vursa da, Kosta-Rika 90+3-cü dəqiqədə hesabı bərabərləşdirə bilib.
Beləliklə, Braziliya və İsveçrə milli komandaları da 1/8 finala vəsiqə qazanıb.
