Azərbaycanlı hakimlər Avropa Liqasının 2-ci təsnifat mərhələsinin oyununa təyinat alıblar.
Modern.az xəbər verir ki, iyulun 26-da Almatı şəhərində Qazaxıstanın “Kayrat” və Hollandiyanın “Alkmaar” klubları arasında keçiriləcək ilk qarşılaşmanı azərbaycanlı FİFA referisi Əliyar Ağayev idarə edəcək.
Ona yan xətt hakimləri Zeynal Zeynalovla Rza Məmmədov kömək edəcək. Dördüncü hakim funksiyasını isə Orxan Məmmədov yerinə yetirəcək.
