Gəncədə itkin düşən qadın tapılıb.
Trend-in məlumatına görə, sentyabrin 15-də itkin düşən Gəncə şəhəri, 3-cü mikrorayon, bina 27, mənzil 18-də yaşayan, 1966-cı il təvəllüdlü Novruzova Məlahət Novruz qızı polis əməkdaşları tərəfindən tapılaraq ailəsinə təhvil verilib.
Hüquq-mühafizə orqanlarının əməkdaşları M.Novruzovanı Bakıda tapıblar.
Faktla bağlı Kəpəz rayon Polis İdarəsində araşdırmalar aparılır.
Qeyd edək ki, Gəncə şəhəri, 3-cü mikrorayonda yaşayan Vidadi İsayev şikayət ərizəsi ilə polisə müraciət edərək, sentyabrın 15-də həyat yoldaşı, 1966-cı il təvəllüdlü Məlahət Novruzovanın evdən çıxaraq bir daha geri qayıtmadığını bildirib.
