Mərkəzi Afrika Respublikasında (MAR) cinayətkar dəstə üzvləri üç Çin vətəndaşını öldürüb, birini ağır yaralayıblar. Modern.az xəbər xəbər verir ki, bu barədə Çin Mərkəzi Televiziyası məlumat yayıb.
Məlumata görə, Sosso-Nakombo şəhərindən keçən çayda 4 Çin vətəndaşını gəzdirən qayıq aşıb. Qəzadan sonra qayığı idarə edən yerli sakin yoxa çıxıb. Anidən hadisə yerinə gələn cinayətkar dəstə üzvləri quruya çıxan çinlilərə atəş açıblar. Nəticədə 3 nəfər ölüb, biri ağır yaralanıb.
Çinin MAR-dakı səfiri baş nazir və daxili işlər naziri ilə görüşərək, hadisəni törədənlərin tapılmasını və cinayət məsuliyyətinə cəlb edilməsini xahiş edib.
