Suriyada törədilən partlayışda ölənlərin sayı 5 nəfərə çatıb. Modern.az xəbər verir ki, Türkiyə ilə sərhəddə yerləşən Azaz şəhərinin mərkəzində avtomobilin partladılması nəticəsində 5 nəfər ölüb. Hadisə nəticəsində daha 27 nəfər yaralanıb. Ölənlərdən ikisi uşaq olub.
Məlumata görə, partlayış yanacaqdoldurma məntəqəsində baş verib. Yaralılar Türkiyənin Kiliz şəhərindəki xəstəxanaya yerləşdirilib.
