2019-cu ilin fevral ayında nikaha daxil olmaq istəyən 10358 nəfər qan müayinəsinə cəlb olunub.
Bu barədə Modern.az-a B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva bildirib.
Z.Əlimirzəyeva qeyd edib ki, 204 cütlükdə talassemiya daşıyıcılığı aşkarlanıb:
“Həmçinin 11 nəfərdə HİV, 9 nəfərdə sifilis qeydə alınıb”.
Onun sözlərinə görə, 2019-cu ilin yanvar ayında müayniədən keçənlərin sayı 9779 nəfər olub:
“Onlardan 177 nəfərində talessimiya daşıyıcılığı, 4 nəfərində sifilis, 4 nəfərində HİV, 1 cütlüyün hər ikisində daşıyıcılıq qeydə alınıb”.
Direktor qeyd edib ki, 2015-ci ildən indiyədək olan dövrdə ümumilikdə 509 592 şəxs tibbi müayinədən keçib:
“Onlardan 18 512 nəfərdə talessemiya daşıyıcılığı, 1 728 nəfərdə sifilis, 459 nəfərdə HİV(QİÇS), 190 cütlüyün hər iksiində daşıyıcılıq aşkarlanıb”.
