“Çox maraqlı və işgüzar görüş oldu. Bir daha qardaşlıq ənənəsi özünü göstərdi. Türkiyə ilə Azərbaycanın yaxın münasibətləri tarixi köklərə bağlıdır. Ulu öndər Heydər Əliyev deyib ki, biz bir millət, iki dövlətik. Bu baxımdan da ikitərəfli görüşdə bir çox məsələlər müzakirə olundu. Görüş çox yüksək səviyyədə baş tutdu”.
Bunu Modern.az-a açıqlamasında Azərbaycan-Türkiyə parlamentlərarası əlaqələr üzrə işçi qrupunun üzvü, deputat Eldar İbrahimov Türkiyə Böyük Millət Məclisinin sədri Mustafa Şentopun rəhbərlik etdiyi nümayəndə heyətinin martın 6-da Azərbaycana səfərini şərh edərkən deyib.
Eldar İbrahimov bildirib ki, türkiyəli sədr ilk səfərini Azərbaycana edib.
“Həmçinin, Türkiyə Böyük Millət Məclisinin sədri Mustafa Şentop ilk səfərini Azərbaycana edirdi. Adətən ilk səfəri Azərbaycana edəndən sonra Şimali Kiprə gedirlər. Bu görüşü böyük hadisə adlandırmaq olar. Mustafa Şentop səfər çərçivəsində bir sıra yüksək səviyyəli görüşlər də keçirtdi. Türkiyə ilə həm regional, həm də beynəlxalq məsələlərdə əməkdaşlıq edirik. Parlament nümayəndələrinin birgə görüşü münasibətlərin inkişafına daha da töhfə verəcək”.
Qeyd edək ki, martın 6-da Türkiyə Böyük Millət Məclisinin sədri Mustafa Şentop Azərbaycana səfər edib.
