Miqrantları daşıyan yük maşınının aşması nəticəsində 25 nəfər ölüb.
Modern.az xarici mediaya istinadən xəbər verir ki, hadisə Meksikanın cənubundakı Çiapas ştatında qeydə alınıb.
Məlumata görə, yük maşını idarəetməni itirərək 10 metrlik dərəyə yuvarlanıb. Hadisə nəticəsində daha 30 nəfər xəsarət alıb.
Qeyd edək ki, hər il Mərkəzi Amerika ölkələrindən 400 minə yaxın miqrant Meksikadan keçməklə ABŞ-a keçməyə can atır.
