Milli Məclisin bu gün keçirilən plenar iclasında şəhid ailələrinin üzvlərinə yeni güzəştlər verilib.
Modern.az xəbər verir ki, “Şəhid adının əbədiləşdirilməsi və şəhid ailələrinə edilən güzəştlər haqqında” qanuna təklif edilən dəyişiklik səsverməyə çıxarılaraq, qəbul edilib.
Qanun layihəsinə edilən dəyişikliyə əsasən, dövlət peşə təhsili müəssisələrində və elmi təşkilatlarda ödənişli formada təhsil alan şəhid ailəsi statusu almış ailənin üzvləri təhsil haqqını ödəməkdən azad ediləcəklər.
