Bakıda keçiriləcək “Monex Caspian” sammiti çərçivəsində məşhur müğənni İnnanın konserti təşkil ediləcək.
Modern.az AZƏRTAC-a istinadən xəbər verir ki, mayın 31-də “Elektra Events Hall”da baş tutacaq konsertə biletləri şəhərin kassalarından və ya iticket.az saytından əldə edə bilərsiniz.
Xatırladaq ki, mayın 30-31-də Bakıda “Monex Caspian” sammiti keçiriləcək. Nəqliyyat, Rabitə və Yüksək Texnologiyalar Nazirliyi tərəfindən dəstək göstərilən sammitdə 300-dən çox yerli və xarici şirkət, 70-dən artıq spiker və 50-dək ölkədən nümayəndə iştirak edəcək.
