Bu gün Goranboy rayon İcra Hakimiyyətinin başçısı Məhərrəm Quliyev vətəndaşların qəbulunu keçirib.
Modern.az xəbər verir ki, qəbulda idarə, müəssisə və təşkilat rəhbərləri iştirak edib. Sakinlər öz problemlərini, təkliflərini səsləndiriblər. Müraciətlər arasında işlə təminat, torpaq sahəsinin ayrılması, elektrik enerjisi və təbii qazla bağlı məsələlər üstünlük təşkil edib. Vətəndaşların müraciətlərini dinləyən Məhərrəm Quliyev, səsləndirilən bir çox problemlərin əksəriyyətinin yerindəcə həlli barədə konkret tapşırıqlar verib. Digər məsələlərin həlli araşdırılaraq müvafiq qurumlara tapşırılıb.
