Böyük Britaniyanın baş naziri Tereza Mey Mühafizəkarlar Partiyasının sədri vəzifəsindən gedib.
Modern.az “RİA Novosti”yə istinadən xəbər verir ki, qərarı barədə Mey özü partiya komitəsinə bildirib.
Qeyd edək ki, Tereza Mey varisi elan edilənədək baş nazir postunda qalacaq. Ehtimal olunur ki, iyulun ikinci yarısında Britaniya hökumətinin yeni rəhbəri elan olunacaq.
Xatırladaq ki, Mey mayın sonunda baş nazirlikdən istefa vermişdi. Hazırda bu posta 10 nəfər namizəd var.
