UEFA-nın ilk dəfə təşkil etdiyi Millətlər Liqası turnirinə yekun vurulub.
Modern.az xəbər verir ki, iyunun 9-da final görüşü keçirilib.
Finalda Portuqaliya millisi Hollandiya yığması ilə qarşılaşıb.
Görüş portuqaliyalıların 1:0 hesablı qələbəsi ilə başa çatıb. Oyunda yeganə qolun müəllifi 60-cı dəqiqədə Qoncalo Guedes olub.
Beləliklə, Millətlər Liqasında ilk mövsümün kubokunu Portiqaliya millisi başı üzərinə qaldırıb.
3-cü yer uğrunda matçda İngiltərə və İsveçrə üz-üzə gəlib. Matçın 120 dəqiqəsi ərzində qapılara qol vurulmayıb.
Üçüncü yerin taleyi penaltilər seriyasında həll olunub. İngiltərə 6:5 hesabı ilə qalib gəlib.
