Radio, Televiziya yayımı və Peyk Rabitəsi İstehsalat Birliyi tərəfindən 10 iyun tarixində saat 06:00-dan 15:00-dək növbəti kompleks profilaktika işləri aparılacaq.
Bu barədə Radio, Televiziya yayımı və Peyk rabitəsi İstehsalat Birliyindən Modern.az-a verilən məlumatda bildirilib.
Rəsmi məlumata görə, bu müddət ərzində ölkə ərazisində radio və televiziya proqramlarının yerüstü yayımında fasilə olacaq.
Qeyd edək ki, kompleks profilaktika radio-televiziya proqramlarını istehsal edən şirkətlərlə öncədən razılaşdırılmış qrafik əsasında il ərzində bir neçə dəfə aparılır.
Qrafikə əsasən, növbəti kompleks profilaktika işlərinin 16 sentyabr tarixində aparılması nəzərdə tutulub.
