Azərbaycanda əhalinin siyahıyaalınması üçün bütün prosedurlar yekunlaşıb.
Modern.az xəbər verir ki, bunu Dövlət Statisika Komitəsinin sədri Tahir Budaqov Yeni Azərbaycan Partiyasının qərargahında keçirdiyi mətbuat konfransında deyib.
O qeyd edib ki, bu gün gecə saat 00:00-dan başlayaraq siyahıyaalınmaya start verilib:
"İlk olaraq, Heydər Əliyev adına Hava limanında, Dəmiryolu vağzalında siyahıyaalma prosesinə başlanıb. Siyahıyaalınma vərəqəsində yerləşdilən sualların cavablandırılması yaxın 10 ildə Azərbaycanın sosial siyasəti üçün informasiya bazası rolunu oynayacaq".
