Latviya Respublikasının Valka şəhərinin Merinin rəhbərlik etdiyi nümayəndə heyətinin “Goranboy və Valka –qardaşlaşmış şəhərlər” missiyası ilə, 7 oktyabrda başlayan Goranboy səfəri növbəti gün də, zəngin proqram ilə müşayət olundu.
Qonaqlar “Azərxalça” ASC-nin Goranboy filialında, “Evalar” tekstldə, “Azərpambıq” ASC-nin Goranboy məntəqəsində, Goranboy “Region-Aqro”da, Qızılhacılı qəsəbəsi ərazisində fəaliyyət göstərən müasir İstilikxana kompleksində və “G-GROUP” MMC-də olmuş, müəssisələrin fəaliyyəti və istehsal imkanları ilə yaxından tanış olublar.
Daha sonra rayonun Yuxarı Ağcakənd qəsəbəsində olan qonaqlara Goranboyun əsrarəngiz təbiət və turizm imkanları göstərilmiş, xalq incəsənətimizin və milli mətbəximizin dəyərli nümunələri nümayiş etdirilib.
“Goranboy və Valka – qardaşlaşmış şəhərlər” missiyası çox zəngin olmuş və qonaqlarımızın səfəri 9 oktyabrda uğurla başa çatıb.
