"Biz işləməyən bir layihəni yekunlaşdırırıq və "Barsa" azarkeşlərinə zövq verəcək yeni layihəyə start veririk".
Modern.az xəbər verir ki, bunu "Barselona" klubunun prezidenti Joan Laporta ötən gün keçirdiyi mətbuat konfransında deyib.
"Messi ilə yeni müqavilə danışıqları yaxşı irliləyir, ancaq hələ heç nə yekunlaşmayıb. Bizim çox yaxşı əlaqələrimiz var. Messi "Barsa"nı sevir və hamımız onun bizimlə davam etməsini istəyirik.
Messi layihəmiz barədə həyəcanlıdı. Onun müqavilə yeniləməsi ilə bağlı nikbinəm.
Uğursuzluqların müəyyən nəticələri olur və biz komandanı inkişaf etdirməliyik. Növbəti həftə biz transferləri açıqlayacağıq" - deyə Laporta bildirib.
T.İSMAYIL
