Bu gün Yasamal Rayon Məhkəməsinin inzibati binasında Birinci Qarabağ müharibəsi zamanı əsir götürülmüş azərbaycanlılara qarşı amansız işgəncələr verməkdə ittiham olunan erməni hərbçilər - Mkrtiçyan Lüdvik Mkrtiçoviç və Xosrovyan Alyoşa Aramaisoviçin cinayət işi üzrə növbəti məhkəmə iclası davam etdirilib.
Modern.az-ın məlumatına görə, Bakı Hərbi Məhkəməsinin hakimi Elbəy Allahverdiyevin sədrliyi ilə keçirilən prosesdə zərərçəkmişlər son sözlə çıxış ediblər.
Onlar təqsirləndirilən şəxslərin ən ağır cəza - ömürlük azadlıqdan məhrum edilməsini istəyiblər.
Müdafiə tərəfi çıxış üçün vaxt istəyib.
Proses avqustun 2-nə təyin edilib.
