Diasporla İş üzrə Dövlət Komitəsi və Azərbaycan Diasporuna Dəstək Fondu (ADDF) əməkdaşlarının Estoniyaya səfəri çərçivəsində Tallin şəhərində soydaşlarımızla görüş keçirilib.
Modern.az xəbər verir ki, Tallin Azərbaycan Evində baş tutan görüşdə Estoniyadakı Azərbaycan icması ilə yanaşı, Latviya, Litva və İspaniya Krallığından bu ölkəyə səfərə gələn soydaşlarımız da iştirak ediblər.
Tədbir Azərbaycanın Dövlət Himninin səsləndirilməsi və ölkəmizin ərazi bütövlüyü uğrunda canlarından keçən şəhidlərimizin xatirəsinin bir dəqiqəlik sükutla yad edilməsi ilə başlayıb.
