2021-ci ildə 3,3 milyondan çox insan yeni növ koronavirusdan (COVID-19) dünyasını dəyişib.
Modern.az xəbər verir ki, bu barədə Ümumdünya Səhiyyə Təşkilatının (ÜST) baş direktoru Tedros Qebreyesus Cenevrədə keçirdiyi mətbuat konfransında məlumat verib.
O qeyd edib ki, COVID-19 hər həftə təxminən 50 min insanın həyatına son qoyur.
Baş direktorun sözlərinə görə, ilk dəfə Afrikanın cənubunda ortaya çıxan "Omicron" ştammının "Delta"dan daha sürətli yayıldığına dair sübutlar var.
O bildirib ki, bayram zamanı bir çox ölkələrdə insanlar arasında təmasların artırmasına görə yoluxma və ölüm saylarında yüksəlmə müşahidə oluna bilər.
Akif İsmayılov
