Yaxın perspektivdə İqtisadiyyat Nazirliyi nəzdində Dövlət Vergi Xidmətində bir sıra islahatların keçirilməsi planlaşdırılır.
Modern.az-ın məlumatına görə, bunu Dövlət Vergi Xidmətinin rəisi Orxan Nəzərli “İnklüziv və davamlı inkişaf üçün vergi islahatları: rəqəmsal transformasiya ilə könüllü əməletməyə doğru” mövzusunda keçirilən vergi forumunda deyib.
O bildirib ki, bu islahatlar milli vergi sisteminin mövcud potensialını gücləndirəcək və vergi alətlərinin istifadəsini maksimum asanlaşdıracaq.
"Biz, həmçinin yeni "e-taxes" portalının işə salınmasını planlaşdırırıq. Bu platformada sahibkarlıq fəaliyyətinin səmərəli icra olunması, eləcə də sahibkarların vergi orqanları ilə birbaşa əlaqəsinin təmin olunması üçün əlavə alətlər yaradılacaq", - deyə o bildirib.
