Azərbaycanda etik davranış qaydalarını pozuduğuna görə işdən çıxarılan polis əməkdaşlarının sayı artıb.
Modern.az xəbər verir ki, Etik davranış məsələləri ilə bağlı 2021-ci il üzrə hesabatda 168 polis əməkdaşına intizam tənbehi verildiyi açıqlanıb.
Bildirilib ki, onlardan 30-u daxili işlər orqanlarında xidmətdən xaric olunub, 21-i tutduğu vəzifədən azad edilib, 117-i barəsində digər məsuliyyət tədbirləri görülüb.
Qeyd edək ki, 2020-ci ildə daxili nəzarət tədbirləri çərçivəsində görülmüş işlərlə etik davranış qaydalarının pozulmasına görə 155 əməkdaşa intizam tənbehi verilib. Onlardan 22-i daxili işlər orqanlarında xidmətdən xaric olunub, 16-ı tutduğu vəzifədən azad edilib, 117-i barəsində digər məsuliyyət tədbirləri görülüb.
