"Hazırda Azərbaycan Ordusunun müasir ordu modelinə, xüsusilə Türkiyə Silahlı Qüvvələrinin standartlarına uyğunlaşdırılması istiqamətində zəruri addımlar atılır".
Modern.az xəbər verir ki, bunu müdafiə nazirinin birinci müavini - Azərbaycan Ordusunun Baş Qərargah rəisi general-polkovnik Kərim Vəliyev Türkiyənin 30 Avqust - Zəfər Bayramına həsr olunan tədbirdə çıxış edərkən deyib.
Baş Qərargah rəisi bildirib ki, ölkələrimiz arasındakı hərbi əməkdaşlıq birliyimizi daha da möhkəmləndirir.
"Bu birlik regionda əmin-amanlığın və sabitliyin qorunmasına töhfə verir", - general-polkovnik vurğulayıb.
