ATƏT Parlament Assambleyasında (PA) Xocalı soyqırımı qurbanları anılıb.
Bu gün Vyanada ATƏT PA-nın qış sesiyasının ümumi komitələrinin birgə iclasında Azərbaycan nümayəndə heyətinin rəhbəri Azay Quliyev Xocalı soyqırımından söz açıb. O bildirib ki, Azərbaycan xalqı Xocalı soyqırımının 31-ci ildönümünü qeyd edir.
"26 fevral 1992-ci ildə Ermənistan bir gecədə 613 günahsız azərbaycanlı mülki şəxsi qəddarcasına qətlə yetirdi. Fürsətdən istifadə edərək Xocalı soyqırımın qurbanlarının əziz xatirəsini yad edirəm", - deyə Azay Quliyev vurğulayıb.
