Salyan Rayon İcra Hakimiyyətinin başçısı Rüstəm Xəlilov Şorsulu kəndində vətəndaşlarla növbəti səyyar qəbul keçirib.
Modern.az xəbər verir ki, qəbulda rayonun hüquq-mühafizə orqanlarının, aidiyyəti idarə və təşkilatların rəhbərləri, eləcə də kənd sakinləri iştirak ediblər.
Görüş zamanı sakinlərin təklif və müraciətləri dinlənilib, onları narahat edən məsələlər müzakirə olunub. Rüstəm Xəlilov vətəndaşların qaldırdıqları problemlərin həlli istiqamətində aidiyyəti qurumlara tapşırıqlar verib.
Araşdırma tələb edən məsələlərlə bağlı müvafiq göstərişlərin verildiyi bildirilib. Rayon icra hakimiyyətinin başçısı vətəndaş müraciətlərinə qanunvericiliyin tələblərinə uyğun və operativ baxılmasının vacibliyini vurğulayıb.
